இன்று சில இடங்களில் மழை பெய்யும்

சென்னை:  தமிழகத்தில் நிலவும் வெயில் காரணமாக தற்போது வெப்ப சலனம் நீடித்து வருகிறது. அதன் காரணமாக பரவலாக மழை பெய்து வருகிறது. இந்நிலையில், நேற்று முன்தினம் குமரிக்கடல் பகுதியில் ஏற்பட்டுள்ள காற்றழுத்தம் காரணமாக அங்கு சூறைக் காற்றுடன் மழை பெய்தது. மேலும், வங்கக் கடலில் மன்னார் வளைகுடாவை ஒட்டிய கடலோரப் பகுதியில் குறைந்த காற்றழுத்தம் உருவாகியுள்ளது. இது வடக்கு மற்றும் வடமேற்கு திசையில் நகரும் என்று எதிர்பார்க்கப்படுகிறது. அதன் காரணமாக தமிழக கடலோர மாவட்டங்களில் இன்று சில இடங்களில் கனமழை பெய்யும். பெரும்பாலான இடங்களில் லேசானது முதல் மிதமான மழை பெய்யும்.